Nodeems den Dylan Pereira um Walkenhorst BMW bei der leschter Course vun der Nürburgring Langstrecken Series (NLS) duerch eng zweet Plaz um Podium stoung, gouf et dëse Weekend nees e gutt Resultat fir de Lëtzebuerger.
Mat sengem finneschen Teamkolleeg Sami-Matti Trogen goung et vun der Plaz 3 an d’Course. Kuerzzäiteg louche si un der Spëtzt. Spéider an der Course gouf d’Klassement duerch de Reen duerchernee gehäit an d’Koppel Pereira-Trogen ass um Enn op Plaz 5 iwwer d’Arrivée gefuer. Gewonne gouf déi aacht Manche vun der NLS vum Team Kognes/Giermaziak op BMW virum Ferrari mat de Pittard, Catsburg a Laser an dem Audi vun de Pilote Stippler/Kolb.
Déi lescht Manche ass fir de 6. an de 7. Oktober nees um Nürburgring programméiert.
