Um Sonndeg stoung nom Roudag déi 7. Etapp iwwer 471 km vun Ha’il op Sakaka um Programm.
Bei den Autoe konnt sech um Enn den Yazid Al Rajhi (Toyota) duerchsetzen a wënnt no 2015 mol nees eng kéier eng Course. Hien hat e Virsprong vun 48 Sekonnen op de Stephane Peterhansel (Mini) an 1 Minutt a 15 Sekonnen op de Carlos Sainz (Mini).
Am General baut de Stephane Peterhansel säi Virsprong op den Nasser Al-Attiyah (Toyota) weider aus op 7 Minutten an 53 Sekonnen. Drëtten ass de Carlos Sainz op 41 Minutten a 7 Sekonnen.
Bei de Motoen ass et de Ricky Brabec (Honda) dee sech mat engem Virsprong vun 2 Minutten a 7 Sekonnen duerchsetze konnt. Op d’Plazen 2 an 3 kommen de Jose Ignacio Cornejo Florimo (Honda) an de Skyler Howes (KTM).
Am General huet de Jose Ignacio Cornejo Florimo elo d’Féierung virum Toby Price (KTM) iwwerholl an dat mat just enger Sekonn Virsprong. Drëtten ass de Sam Sunderland (KTM) op 2 Minutten an 11 Sekonnen.
Resultater am IwwerbléckDen Dakar ass dëst Joer nees a Saudi-Arabien. 12 Etappen sti bis de 15. Januar um Programm.
| Datum | Start - Zil | Distanz (Km) | Wäertung (Km) |
| 3.1. | Jeddah - Bisha | 622 | 277 |
| 4.1. | Bisha - Wadi Ad-Dawasir | 685 | 457 |
| 5.1. | Wadi Ad-Dawasir - Wadi Ad-Dawasir | 630 | 403 |
| 6.1. | Wadi Ad-Dawasir - Riyadh | 813 | 337 |
| 7.1. | Riyadh - Buraydah | 625 | 456 |
| 8.1. | Buraydah - Ha’il | 655 | 448 |
| 9.1. | Roudag | - | - |
| 10.1. | Ha’il - Sakaka (M) | 737 | 471 |
| 11.1. | Sakaka (M) - Neom | 709 | 375 |
| 12.1. | Neom - Neom | 579 | 465 |
| 13.1. | Neom - Al-Ula | 583 | 342 |
| 14.1. | Al-Ula - Yanbu | 557 | 511 |
| 15.1. | Yanbu - Jeddah | 452 | 225 |
| GESAMT | 7.646 | 4.767 |
