E Sonndeg sinn am internationale Futtballchampionnat déi lescht Matcher vun de jeeweilege Spilldeeg gespillt ginn. Dobäi huet déi bis elo formstaark Ekipp aus Brighton duerch eng 0:2-Defaite géint Liverpool den Uschloss un de Spëtzegrupp mat ManCity an Arsenal verpasst. D'Reds réckelen dogéint op ee Punkt un den Drëtten aus Brighton erun. ManUnited waart iwwerdeems no enger Defaite géint Bournemouth elo zanter sechs Championnatsmatcher op eng Victoire a steet nom 8. Spilldag op der 16. Tabelleplaz.
E richtegt Gol-Spektakel gouf et dann an der Serie A zu Bergamo, wou Atalanta sech mat engem 4:4 géint Frosinone d'Punkte gedeelt huet. Den Duell géint Fiorentina konnt donieft Inter Mailand duerch zwee Goler an der Nospillzäit nach dréinen an d'Tabelleféierung domat och nom 8. Spilldag weider knapp verdeedegen, dat punktgläich mat Lazio Roum.
Hoffenheim - Leverkusen (15:30 Auer)
Freiburg - Bayern (17:30 Auer)
LINK: D'Resultater, d'Tabell an d'Statistike vun der Bundesliga
Liverpool - Brighton 2:0
1:0 Groß (17'), 2:0 Isak (21')
Liverpool huet sech doheem mat 2:0 géint Brighton behaapt an huet domat verhënnert, den Uschloss un de Spëtzegrupp vun der Premier League ze verléieren. Ee Schoss vum Florian Wirtz, deen decisiv vum Pascal Groß ofgefälscht gouf, hat d'Reds no 17 Minutten a Féierung bruecht a just véier Minutten drop war et den Alexander Isak, deen op 2:0 erhéije konnt. Duerno war och Brighton zu e puer Chancë kommen, allerdéngs ouni Succès.
Manchester United - Bournemouth 0:3
0:1 Rayan (38'), 0:2 Tavernier (43'), 0:3 Evanilson (71')
Bournemouth huet den direkten Duell géint ManUnited gewonnen an zitt domat an der Tabell laanscht d'Red Devils. Zwee Goler bannent fënnef Minutten hat de Gaascht vu Bournemouth kuerz virun der Paus a Féierung bruecht, sou datt et fir d'Spiller vu ManUnited no 45 Minutte mat engem Päife vun den eegene Spectateuren an d'Vestiairë gaangen ass. Der Lokalekipp huet et och nom Säitewiessel u Kreativitéit am Spill no vir gefeelt, fir nach eemol eng Reaktioun kéinten ze weisen. Ronn 20 Minutte viru Schluss huet den Evanilson mam 3:0 aus Siicht vu Bournemouth da fir d'Decisioun gesuergt a United weider an d'Kris geschoss.
LINK: D'Resultater, d'Tabell an d'Statistike vun der Premier League
Inter Mailand - Fiorentina 2:1
0:1 Jimenez (65'), 1:1 Thuram (90+1'), 2:1 Zielinski (90+8')
Inter Mailand bleift no enger geckeger Schlussphas och nom 8. Spilldag weider Tabelleleader an der Serie A. No enger onspektakulärer éischter Hallschent waren d'Gäscht am Giuseppe Meazze zu Mailand an der 65. Minutt duerch e wonnerschéine Sonndesgol aus 25 Meter vum Alex Jimenez a Féierung gaangen. Duerno huet Inter awer direkt op den Ausgläich gedréckt a gouf an der 91. Minutt am Numm vum Marcus Thuram domat belount. Dat lescht Wuert sollt hei awer nach de Piotr Zielinski hunn, deen an der 98. Minutt en Eelefmeter erageschoss huet, nodeems de Marcus Thuram am Strofraum zum Fale bruecht gi war.
Atalanta - Frosinone 4:4
0:1 Schmid (1'), 1:1 Krstovic (14'), 1:2 Schmid (17'), 2:2 Ederson (33'), 3:2 Krstovic (45'), 3:3 Calo (48'), 4:3 Elmas (50'), 4:4 Terzic (82')
Lecce - Juventus (18:00 Auer)
LINK: D'Resultater, d'Tabell an d'Statistike vun der Serie A
Monaco - Lille 1:1
0:1 Mbappé, 1:1 Diop (74')
Am Spëtzematch vun der Ligue 1 hu sech Monaco a Lille mat engem 1:1-Remis d'Punkte gedeelt. Den Ethan Mbappé hat an der 24. Minutt no enger Virlag vum Diaoune fir den 1:0 fir Lille gesuergt. Nom Säitewiessel gouf et fir de Gaascht dann awer e Réckschlag, well den Tanguy Nianzou no engem uergen Tackling déi Rout Kaart gewise krut huet. An Iwwerzuel ass et Monaco an der Schlussphas dann nach gelongen, den 1:1 duerch den Edan Diop ze schéissen an domat de Punkt fir seng Ekipp ze sécheren.
Marseille - Le Havre (17:15 Auer)
Rennes - Stroossbuerg (17:15 Auer)
LINK: D'Resultater, d'Tabell an d'Statistike vun der Ligue 1
Athletic Bilbao - Getafe 4:0
1:0 Berenguer (17'), 2:0 Williams (35'), 3:0 Paredes (70'), 4:0 Berchiche (88')
Celta Vigo - Real Betis (16:15 Auer)
LINK: D'Resultater, d'Tabell an d'Statistike vun der La Liga
