An der Bundesliga huet Dortmund déi zweet Kéier hannertenee gläichgespillt. Am Match Elversberg géint Augsburg kruten d'Spectateuren insgesamt siwe Goler ze gesinn.
LINK: D'Resultater, d'Tabell an d'Statistike vun der Bundesliga
Everton - Chelsea 0:2
0:1 Neto (46'), 0:2 Neto (90')
Den FC Chelsea huet sech dës Victoire erkämpft, an dat an engem Stadion, an deem d'Blues iwwer vill Joren net als Gewënner vum Terrain gaange waren. Chelsea behält domat d'Chance, de Veräinsrekord vu siwen ongeschloene Matcher fir de Saisonsoptakt anzestellen.
Brentford - Liverpool 1:2
1:0 Lewis-Potter (44'), 1:1 Munoz (62'), 1:2 Isak (70')
Liverpool huet sech no der däitlecher Néierlag géint ManCity virun enger Woch op en Neits schwéier gedoen, geet um Enn awer als Gewënner vum Terrain. Dobäi war Brentford a Féierung gaangen, mee d'Reds konnten de Match nach dréien. Si stinn elo an der Tabell viru Brentford. Liverpool huet dobäi awer och vun zwee Mann méi um Terrain profitéiert. Brentford hat de Yarmolyuk virun der Paus verluer a kuerz viru Schluss och de Janelt.
Manchester City - Ipswich Town 3:2
1:0 Foden (19'), 1:1 Maeda (21'), 2:1 Haaland (34'), 3:1 Haaland (69'), 3:2 Flemming (90', Eelefmeter)
Den Tabelleleader Manchester City huet sech géint Ipswich net schwéier gedoen a baut seng impressionant Serie vun 32 ongeschloene Matcher awer weider aus. No der Féierung fir City konnt den Opsteiger am direkte Géigenzuch ausgläichen, wat awer net déi néideg Rou a säi Spill bruecht huet. Den Haaland konnt nach virun der Paus eng vun de ville City-Chancen notzen. Mat sengem zweete Gol waren d'Skyblues schonn op der Gewënnerstrooss. Well de véierte Gol net fale wollt, gouf et nom Eelefmeter fir Ipswich nach eng Kéier kuerz spannend.
LINK: D'Resultater, d'Tabell an d'Statistike vun der Premier League
Venedeg - Neapel 1:0
1:0 Adams (49')
Den SSC Neapel verpasst déi grouss Chance, nees an de Beräich vun den Topp 4 ze réckelen. Venedeg bleift no der ëmkämpfter Victoire zwar Leschte vun der Serie A, huet awer déi éischt Victoire fir dës Saison an der Täsch.
Bologna - Inter Mailand (18:00 Auer)
AS Roum - FC Genua (20:45 Auer)
LINK: D'Resultater, d'Tabell an d'Statistike vun der Serie A
Stroossbuerg - PSG (17:15 Auer)
Troyes - Lens (20:45 Auer)
Lille - Brest (20:45 Auer)
LINK: D'Resultater, d'Tabell an d'Statistike vun der Ligue 1
Espanyol Barcelona - Atlético Madrid 0:1
0:1 Baena (89')
Atlético Madrid feiert déi sechst Victoire hannerteneen am spuenesche Championnat. Atlético war iwwer wäit Strecken déi dominéierend Ekipp, huet awer näischt aus senge Chancë gemaach. Wat de Match méi laang gouf, wat Barcelona besser an de Match koum, ouni awer wierklech geféierlech virun de Gol ze kommen. An de leschte Minutten huet de Baena den decisive Gol fir Atlético markéiert, wouduerch Madrid um Tabelleleader FC Barcelona dru bleift.
Betis Sevilla - FC Barcelona (18:30 Auer)
LINK: D'Resultater, d'Tabell an d'Statistike vun der La Liga
