Nieft de Lëtzebuerger, déi sech géint d’Slowakei mat 0:2 hu misse geschloe ginn an domadder och dee véierte Match an der WM-Quali verléieren, waren och nach aner Formatiounen an anere Gruppen am Asaz.
Am Grupp B ka sech de Kosovo mat 1:0 géint Schwede behaapten. Den decisive Gol sollt den Hoffenheimer Asllani schéissen. D’Schwede kënne mat dësem Resultat net zefridde sinn, esou sti si elo mat engem Punkt op der leschter Plaz am Grupp. Kee Gewënner gëtt et iwwerdeems beim Match Schwäiz géint Slowenien. Béid Ekippen trenne sech 0:0.
D’Ukräin ka sech am Grupp D mat 3:1 géint den Aserbaidjan behaapten. D’Ukrainer stinn no véier Spilldeeg elo op der zweeter Plaz, wougéint den Aserbaidjan op der leschter Plaz steet. Am zweete Match vum Owend gëtt et iwwerdeems kee Gewënner. Frankräich an Island spillen 2:2 gläich. D’Islänner suergen domadder fir eng grouss Iwwerraschung an dëser WM-Campagne.
Am Grupp J kënne sech d’Belsch mat 4:2 géint Wales behaapten. Dobäi hunn eis Noperen de Match no engem 0:1-Retard gedréit. De Kasachstan an Nordmazedonien deele sech iwwerdeems d’Punkten. Béid Ekippe kommen net iwwert en 1:1 eraus.
Slowenien - Schwäiz 0:0
Schweden - Kosovo 0:1
0:1 Asllani (32')
Ukrain - Aserbaidjan 3:1
1:0 Hutsuliak (30'), 1:1 Akhundzada (45'+3), 2:1 Malinovsky (64'), 3:1 Voloshyn (88')
Island - Frankräich 2:2
1:0 Palsson (39'), 1:1 Nkunku (63'), 1:2 Mateta (68'), 2:2 Hlynsson (70')
Nordmazedonien - Kasachstan 1:1
0:1 Karaman (54'), 1:1 Bardhi (74')
Wales - Belsch 2:4
1:0 Rodon (8'), 1:1 De Bruyne (18', Eelefmeter), 1:2 Meunier (24'), 1:3 De Bruyne (76', Eelefmeter), 2:3 Broadhead (89'), 2:4 Trossard (90')
Nordirland - Däitschland 0:1
0:1 Woltemade (31')
