Nodeem scho méi laang bekannt ass, datt de Mats Wenzel fir d'Ekipp Kern Pharma am groussen Tour duerch Spuenien mat dobäi wäert sinn, goufen elo zwee weider Lëtzebuerger fir d'Vuelta nominéiert.
Tudor Pro Cycling hunn op hirem Internetsite matgedeelt, datt den Arthur Kluckers zu den aacht Coureure gehéiert, déi fir si op de spuenesche Stroossen ënnerwee wäerte sinn.
Och bei Cofidis setzt een am Kader op e Lëtzebuerger. Den Alex Kirsch wäert nieft dem Bryan Coquard an dem Alexis Renard déi bekannten a schwéier Course ugoen.
De Bob Jungels, deen haut annoncéiert huet, datt hien no dëser Saison net méi weider mécht, an den Kevin Geniets sinn iwwregens beim Renewi-Tour an der Belsch mat dobäi
