An der Liichathleetik konnt de Ruben Querinjean op en Neits fir ee super Resultat suergen. De Vize-Europameeschter iwwer 3.000 Meter Steeple ass e Sonndeg bei der Diamond League a Polen iwwer dës Distanz op déi 4. Plaz komm. Donieft konnt hien och säin eegenen nationale Rekord pulveriséieren an ëm 4,11 Sekonne verbesseren. Déi nei Beschtzäit steet elo bei 8 Minutten, 5 Sekonnen a 36 Honnertstel. Hie war och den éischten Europäer an der Course.
De Gemechu Godana aus Äthiopien konnt sech mat enger Zäit vun 8 Minutten, 2 Sekonnen a 74 Honnertstel duerchsetzen.
