Konsument trëfft Produzent, dat ass zanter je hir de Motto vun der Foire agricole zu Ettelbréck, kuerz FAE. Hei presentéiert sech d'Landwirtschaft an all hire Facetten. De Rendez-Vous 2009 dauert vum Freideg, 3. bis de Sonndeg 5. Juli. Während um éischten Dag virun allem Baueren, Politiker, Offizieller a Schoulklassen zu Ettelbréck am Areal ëm d'Däichwisen zu Gaascht sinn, ass de Weekend iwwer dann de Grand Public op Besuch. A bei esou guddem Wieder mécht et duebel Spaass, d'Déieren ze kucken, d'Trakter-Presentatiounen ze suivéieren, lokal a regional Produiten ze probéieren a sech einfach z'ameséieren a Frënn a Famill ze begéinen. Hei e puer kleng Andréck vum Samschdegmëtteg (vum Luc Marteling).