Mat sengem groussem "Schlagerfest 2018,Party vum Joer" huet de bekannte Sänger a Moderator Florian Silbereisen fir eng aussergewéinlech Partystëmmung an der Arena zu Tréier gesuergt. Mat dobäi ware seng perséinlech Band KLUBBB3, de Ben Zucker, Ross Antony, de Jürgen Drews an dat jonkt Talent Helene Nissen, also net dat anert Helene, wéi villäicht deen oder aneren um Donneschdegowend gehofft huet. Ënnerstëtzt goufen d'Kënschtler vun den DDC Breakdancern.