Dëse Weekend war erëm Oktoberfest beim Faust zu Longsdref. Vill bekannt Gesichter waren nees mat um Start. Um 19 Auer goung et lass mam Apéro a wonnerbaren Häppercher, an et huet net laang gedauert du koum Z-Pur d'Museksgrupp vun dësem Joer an huet direkt mat gudder Musek opgehëtzt. Pünktlech um 21 Auer housch et dunn, O zapft is, an d'Faass gouf opgeschloen. Vun do u konnt ee sech am Restaurant Plaz huelen an direkt huet Z- Pur Gas ginn,an d'Leit hu matgesongen, gedanzt a gefeiert. Duerno ass de Buffet opgemaach ginn an do konnt d'Häerz just nach laachen. Vun der Schwéngshax mat Püree a sauerem Kabes, iwwer Fleeschkäs hin zu der wäisser Wurscht jee eben alles wat zu sou engem Bayreschen Owend dozou gehéiert. D'Stëmmung war grandios, jiddereen huet mat jidderengem gedanzt a gesonge bis Feierowend.
Alles an allem e gelongene Samschdegowend.