Den R.U.St hat den 3 a 4.7 op den 1. Dressurturnéier a WBO Turneier vun der Saison 2021 an den Reitsportcenter an de Feelenerhecken agelueden. Den Turnéier ass no de Corona-Hygiènesmesuren ofgehale ginn.

Et sinn Dressurprüfunge vun de klenge Klasse bis zu enger M* geridde ginn. Qualifikatione fir verschidde Cups stoungen och um Programm.

Fir déi jonk Sprangreider sinn 2 Stilsprangprüfunge geridden ginn.

Fir déi ganz Kleng war ee Pony-Führzügel WB mat Geschecklechkeetsaufgaben um Programm a fir déi e bëssi méi Grouss hat de R.U.St ee Fun Trail organiséiert.

Een Highlight war eng Virféierung vum Voltigéierungsteam vum Reitstall aus de Feelenerhecken.