E Samschdeg 15.10.2022 huet de Schëfflenger Traditiounsveräin am ausverkaaften Hall Polyvalent säi ronne Gebuertsdag a Presenz vun e sëllegen Éieregäscht gefeiert. No den offiziellen Usprooche mam musikaleschen Encadrement vun der Harmonie Municipale gouf zesumme giess a sech duerno mat der Stëmmungsmusek vum Käpt'n Ändä, dem Matrous K1000, dem Lisa an den Hüette Maria a Sharon beschtens ameséiert!