Zu Éiere vum 50. Gebuertsdag vun de Schlassfrënn vu Buerschent war de Grand-Duc Héritier Guillaume op Visitt um Buerschter Schlass. Nom Offizielle Accueil vun der Buergermeeschtesch Annie Nickels-Theis an de Schäffen a Conseillèren huet de Guillaume eng Visitt duerch d'Schlass gemaach a war ganz intresséiert iwwer d'Geschicht an de Stammbam vum Schlass. No der Visitt gouf sech an der Brasserie getraff fir e klenge Patt an e Maufel a gemittlech e puer Wierder ze tauschen, a sech an d'gëlle Buch ze veréiwegen. Mä d'Buergermeeschtesch hat dem Grand-Duc Héritier awer och nach eng Foto vum Grousspapp Jean gewisen, eng vun deenen leschten, déi hie selwer gemaach huet, an déi si 2019 bei der Visitt vum Grand-Duc Henri an der Grande-Duchesse Maria Thérèsa um Virowend vun Nationalfeierdag geschenkt krit huet. Hie war ganz begeeschtert. Um Schluss vum Dag krut hien nach e klenge Kaddo, iert hie sech rem op de Wee Heem gemaach huet.