D'Place Robert Schuman gesäit vun Uewen aus zimmlech komplizéiert aus... / © Domingos Oliveira

... dogéint ass d'Rout Bréck däitlech méi iwwersiichtlech. / © Domingos Oliveira

Och wann do kuerz drop méi spueren optauchen. / © Domingos Oliveira

Vun uewe gesäit de Casino an der Stad elo net esou spektakulär aus. / © Domingos Oliveira

Dofir awer d'Place des Martyrs. / © Domingos Oliveira

Manner Bëtong, dofir méi gréngs bitt de Golf zu Jonglënster. / © Domingos Oliveira

Solarpannele beim Waassertuerm um Rebierg. / © Domingos Oliveira

E klenge Quiz dotëscht. Wou ass dat hie? (Eng kleng Bonus-Info: Eist Gewënnspill vun haut ass net wäit dovun ewech) / © Domingos Oliveira

Et sinn d'Baggerweieren zu Rëmerschen. / © Domingos Oliveira

Op der nächster Foto erkennt een et vläicht e bësse besser... / © Domingos Oliveira

... d'Schengener Schlass. / © Domingos Oliveira

Dëst ass iwwregens de Gaart dovunner. / © Domingos Oliveira

Zwar net d'Schlass, mä dofir d'Schleisen zu Schengen. / © Domingos Oliveira

Bleiwe mer an enger vun de bekanntste Stied am Land: D'Senioreresidenz vu Päiperlek. / © Domingos Oliveira

An nee, keng Panik. Dës Schwämm gehéiert net zu där Residenz, mä et ass déi Oppe Schwämm zu Réimech. / © Domingos Oliveira

E bekannte Restaurant an der Géigend ass no dëser Plaz benannt... Oder ass et ëmgedréint??? Egal, op alle Fall ass dëst d'Wuermer Koeppchen. / © Domingos Oliveira

An e klenge Super-Close-Up vun der Réimecher Esplanade. / © Domingos Oliveira

Op Lëtzebuergesch kenne mer dës Plaz als dräi Eechelen. An aus dësem Bléckwénkel weess een och, wisou. / © Domingos Oliveira

Dat d'Busser esou faarweg sinn, fält vun ënne bal guer net esou op. Virum Parc zu Gaasperech an aus dëser Perspektiv ass dëst Gefier e richtege Bléckfang. / © Domingos Oliveira

Perspektiv ass iwwregens alles. Dës Plaz am Park ass mir esou däitlech nach ni opgefall. / © Domingos Oliveira

Ech verroden et einfach direkt, well esouguer ech hu misste Googlen: De Waassertuerm op der Cloche d'or. / © Domingos Oliveira

Wiss bannen a Wiss baussen... Dat gëtt et ënner anerem am a beim Stade de Luxembourg. / © Domingos Oliveira

An op der anerer Säit dovunner... Vill Stroossen. / © Domingos Oliveira

Wéini war den Domingos Oliveira dann hei ënnerwee. Owes staut et mol gären, fir vu Maacher an Däitschland ze fueren. / © Domingos Oliveira

An dëst Schëff e puer Meter ewech bréngt keng Autoen op déi aner Säit. / © Domingos Oliveira

Ass dat een, een duebelen oder sinn et awer zwee Waassertierm um Kierchbierg... Dat misst ee sech emol ukucke goen. / © Domingos Oliveira

D'Schüler aus dëser Schoul net wäit dovun ewech wëssen dat vläicht. / © Domingos Oliveira

Eppes ass kloer... d'Vëlospist tëscht dem Belval an Esch stécht ervir. / © Domingos Oliveira

Unnützes Wissen: Wéi vill Parkplazen huet de Park and Ride Bouillon? / © Domingos Oliveira

Wann der elo gesot hutt, "ze wéineg", kéint dat stëmmen. Ma déi richteg Äntwert wier awer 2.442. / © Domingos Oliveira

Hei gëtt scho ganz laang ganz ville Sue verdéngt. Laangzäit schonn ass d'Aire de Berchem eng vun den ëmsatzstäerkste Bensinnsstatiounen an Europa. / © Domingos Oliveira

Ob de Chantier op der A4 dat beaflosst huet, ass eis aktuell net bekannt. / © Domingos Oliveira

Dëst Gebai hat emol e ganz aneren Zweck: "Op der Schmelz" zu Diddeleng. / © Domingos Oliveira

Den CFL Multimodal zu Beetebuerg ass keen normale Parking. / © Domingos Oliveira

Vun uewe gesinn d'Felder, wéi dat hei zu Lalleng, ganz anescht aus. Wat do ugebaut gëtt, frot der Iech. Éierlech gesot, kann ech dat aus dëser Perspektiv net erkennen. / © Domingos Oliveira

Déi nërdlech Entrée/Sortie vum Tunnel Grouft. / © Domingos Oliveira

D'Däichhale si scho puer Mol opgetaucht. Hätt Dir se direkt erkannt? / © Domingos Oliveira

Gutt datt ech net Helikopterpilot sinn, well dëse Waassertuerm géif mech reizen, fir drop ze landen.... / © Domingos Oliveira

Hei e Feld zu Féiz. Wéi vill Kéi gesitt Dir? / © Domingos Oliveira

Wann der elo op eng Opléisung gewaart hutt... Deet mer leed Iech z'enttäuschen. Fir sécher ze goen, zielt d'Kéi nach eng Kéier oder kuckt Iech d'Schlass Turelbaach un. / © Domingos Oliveira

D'Schlass zu Beefort, net ze verwiessele mat der Buerg. / © Domingos Oliveira

Dës Foto aus der selwechter Géigend irritéiert mech e bëssen... / © Domingos Oliveira

Genau wéi d'Labyrinth am Park Sënnesräich. / © Domingos Oliveira

D'Fiels vun uewen huet schonn e gewësse Charme. / © Domingos Oliveira

Genau wéi dës Wunngebaier zu Dummeldeng. / © Domingos Oliveira