En Donneschdeg de Moie war e bei eis um Radio, du bei de Kolleege vun RTL Today. Bekannt gouf en 1984 am Film Police Academy als “Sergeant Larvell Jones” - de Michael Winslow.
Deen, deen ëmmer all Geräisch konnt nomaachen. Elo huet en iwwer 10.000 Geräischer drop. Als Beatboxer, Comedian a Geräisch-Imitator huet e mëttlerweil seng eege Comedy-Show.
E Samschdeg trëtt hien domat zu Munneref am Casino 2000 op. Mir haten d’Geleeënheet, den US-Schauspiller am Virfeld an der Stad ze treffen.
