Dat huet de Buergermeeschter vun der Stad Igor Terechow um Messenger-Déngscht Telegram matgedeelt. Beim Ugrëff op de Staddeel Schewtschenkiwskyi si 6 Mënsche blesséiert ginn an op d’mannst 10 sinn ëm d’Liewe komm. Dës Zuele goufen antëscht vum ukrainesche Rettungsdéngscht confirméiert.
Onmëttelbar no der Attack hat de Gouverneur vun der Regioun Charkiw nach vun 2 Doudesaffer an 8 Blesséierte geschwat, déi an d’Spidol transportéiert gi wieren.
Der Noriichtenagence AFP no sollen eng Partie zivil Gebaier no den Attacke Feier gefaangen hunn, dorënner Appartementshaiser an eng Tankstell. Dat géif sech aus Matdeelunge vun den ukraineschen Autoritéiten an aus Biller, déi vun der ukrainescher Police op Telegram verëffentlecht goufen, erginn.
