Méi wéi 10.000 Leit hunn e Samschdeg zu Orléans géint de Parteidag vum rietspopulistesche Rassemblement National protestéiert. Eng 50 politesch Parteien, Gewerkschaften a Verbänn haten zu den Demonstratiounen opgeruff. D'Cheffin vum RN Marine Le Pen wëllt e Sonndeg mat enger Ried hire Walkampf fir d'Presidentielle lancéieren.
D'Autoritéiten hu vu ronn 11.000 Manifestante geschwat, d'Organisateure louche bei engem Chiffer vu 26.000. D'Police fäert, dass et zu gréissere Randale kënnt. D'Demonstrante protestéieren net nëmme géint den RN, mee och géint de President Emmanuel Macron.
Virop gaangen ass de Buergermeeschter vu Saint-Denis. De Protest riicht sech och géint de presuméierte rassisteschen Uschlag e Freideg zu Paräis, bei deem e Mann erschoss ginn ass.
