Zu Däitsch-Oth, hei vir a Frankräich, waren en Dënschdeg iwwer 60 Pompjeeën am Asaz, well e Grupp vu Leit gesicht gouf, déi onerlaabt an eng Minière eragaange sinn.
Dat haten Zeie gemellt, an hiren Auto stoung zanter sonndes nach ëmmer um Parking, sou dass d’Secouristen dervun ausgaange sinn, dass se vläicht net méi eraus géife fannen.
Spezialiste vun der Hiele-Rettung waren op der Plaz an och fréier Mineuren, déi de Sitte kennen.
De Sitte gouf groussraimeg ofgesicht, och iwwert der Uewerfläch, am franséisch-Lëtzebuerger Grenzgebitt vun Däitsch-Oth, Esch a Rëmeleng.
De Grupp gouf dunn effektiv och an enger Galerie gesinn, ass awer fortgelaf, wuel duerch eng Sortie a Richtung vum Grand-Duché. Soss Detailer ginn et nach net.
D’Rettungsaktioun wier doropshin dann och ofgebrach ginn. Eng Enquête vun der Police wier amgaangen.
Weider Informatiounen op infos.rtl.lu.
