Bei enger Rakéitenattack op den internationale Fluchhafe vun der saudi-arabescher Haaptstad Riad sinn op d'mannst zwielef Leit ëm d'Liewe komm. 309 Persoune goufe blesséiert, verschiddener vun hinne sollen a Liewensgefor schwiewen. Saudi-Arabien mécht déi pro-iranesch Huthi-Miliz fir d'Attack responsabel.
Et handelt sech ëm déi déidlechst Attack a Saudi-Arabien zanter 2015. Deemools ware bei engem Selbstmord-Attentat vun der dschihadistescher IS-Miliz 21 Leit an enger Moschee am Bezierk Katif gestuerwen.
Déi vu Saudi-Arabien ugefouert Militär-Koalitioun géint d'Huthi-Rebellen bezeechent d'Rakéitenattack als "feigen terroristeschen Ugrëff" an huet eng decisiv Reaktioun annoncéiert.
Den US-President Donald Trump huet d'Attack an enger éischter Reaktioun als "net akzeptabel" bezeechent. Hie wéilt mam saudi-arabesche Krounprënz Mohammed bin Salman iwwer den Ugrëff schwätzen.
