Wéinst enger Telekommunikatiounsstéierung war praktesch de ganze Fluchverkéier wärend Stonnen a Griicheland ënnerbrach. Den Haaptproblem louch beim zentrale Kommunikatiounssystem vun de Kontrollzenteren am griichesche Loftraum. D’Fluglotse konnten dowéinst net matenee kommunizéieren.
Am fréie Mëtteg konnt de regulären Trafic awer nees lues a lues ulafen. E Fluch vun Athen, dee fir 17.25 Auer soll zu Lëtzebuerg landen, war wärend eng gewësser Zäit ugewise ginn, wéi wann en eréischt um 21.59 Auer géif landen. Mëttlerweil steet deen awer nees regulär am Zäitplang. Och de Vol um 18.15 Auer vu Lëtzebuerg op Athen schéint normal kënnen ze starten.
Den Detail vun den Arrivéeën an Departen op www.lux-airport.lu.
