Bei engem Seelbunn-Accident an den italieeneschen Alpe goufen en Dënschdeg véier Persounen, dorënner dräi Passagéier an een Aarbechter, liicht blesséiert. Wéi d’Rettungsekippe matgedeelt hunn, souze ronn honnert Passagéier fir e puer Stonnen an enger Héicht vun 2.800 Meter um Monte-Moro-Pass an der Géigend vun der Schwäizer Grenz fest, nodeems eng Gondel an d’Biergstatioun gerannt war. Wéi eng Spriecherin vum Seelbunn-Bedreiwer gesot huet, wier d’Bunn duerch en “technesche Problem” bei der Afaart an d’Biergstatioun net genuch gebremst ginn an an eng Barrière gerannt.
D’Passagéier konnte réischt e puer Stonnen duerno mam Rettungshelikopter evakuéiert ginn.
