Um Méindeg hat et am ënnerierdesche Parking gebrannt. Dobäi goufe 5 Autoe beschiedegt a vill Gefierer waren an der Garage "agespaart"

Um Dënschdeg am Laf vum Mëtteg gouf dunn ugefaangen, déi Gefierer, déi net um "-1" stoungen, aus der Déifgarage ze bréngen. Donieft gouf awer och Aarbechtsmaterial op d'Plaz bruecht, fir de Plafong an de Buedem ze sécheren.

Feier um -1 ënner Kontroll: Keng Blesséierter bei Brand vu 5 Autoen am Parking um Rousegäertchen

VIDEO: Grouss Dampentwécklung beim Parking um Rousegäertchen
D'Police huet d'Plaz ofgespaart

Kuerz viru Mëtteg um Méindeg waren d'Rettungsdéngschter an de Parking um Rousegäertche geruff ginn.

5 Autoe hate Feier gefaangen. D'Pompjeeën haten de Brand no 2 Stonnen ënner Kontroll.  Blesséiert gouf beim Virfall keen.

D'Nei Avenue war fir de Verkéier gespaart, ausser fir d'Busser.

Et waren eng 50 Pompjeeën am Asaz.

Wéi d'Stad Lëtzebuerg matdeelt ass de Parking aktuell net fir de Public accessibel. Wat d'Automobilisten ugeet déi hir Gefierer aktuell am Parking stoen hunn ass et d'Informatioun datt d'Autoen déi um -1 geparkt sinn aus techneschen, respektiv Sécherheets-Grënn net dierfen deplacéiert ginn.

D'Proprietäre sollen sech beim Gestionnaire vum Parking melle fir weider Informatiounen.

VIDEO: Vill Damp am Parking um Rousegäertchen
Kuerz viru Mëtteg um Méindeg sinn d'Rettungsdéngschter an de Parking um Rousegäertche geruff ginn.