Éischten Informatiounen no koum et géint 6.50 Auer op der Streck tëscht Iermsdref a Miedernach zu engem Accident, bei deem en Automobilist an enger rietser Kéier d’Kontroll iwwert säi Gefier verluer huet, an de Gruef geroden ass an do eng Bëtongsdall erwëscht huet. Den Auto gouf bei deem Accident uerg beschiedegt.
Fir de Chauffer aus sengem Auto ze kréien, huet den Auto mussen opgeschnidde ginn. De Samu war op d’Plaz geruff ginn an de Chauffer gouf an d’Spidol bruecht.
