Beid Regierungscheffen hunn d’militäresch Kooperatioun ervirgestrach mam gemeinsame Reconnaissance-Batallioun an dem A400M. Donieft gouf awer och en Accord am Zesummenhang mam GovSat-Satelitt ënnerschriwwen.
Och a Punkto Energie an Energietransitioun géing d’Zesummenaarbecht verstäerkt ginn, esou wéi a Punkto intern an extern Sécherheet.
Béid soten och, d’Belsch a Lëtzebuerg wieren e Laboratoire, fir déi europäesch Integratioun virunzedreiwen. Zesumme mat Holland wëllen d’Benelux eng Lëscht vu Barrièren opstellen, déi een da géing probéieren ofzebauen, esou de Bart de Wever. Dorënner Barrièrë fir Leit, déi an e puer Länner schaffen oder eng Entreprise wéilte grënnen. De Luc Frieden sot, et wéilt een den anere Länner weisen, ewéi ee méi enk kann zesumme funktionéieren: et wier kee “Club exclusif”.
D’Belsch a Lëtzebuerger Regierungen hu sech dann nach emol virgeholl, d’Zuchlinn tëscht béiden Haaptstied ze moderniséieren: Lëtzebuerg-Bréissel soll an 2 Stonnen a 5 Minutte goen an dat vu spéitstens 2030 un.
