Iwwer 4.000 Clientë goufen d’lescht Joer deemno betreit. Dat ass, all d’Aktivitéiten zesummegeholl, e Plus vun 23%. Knapps 11.600 Mol hu sech Doktere vum Planning ëm Patiente gekëmmert. Sou goufen zum Beispill knapp 1.330 Schwangerschaftstester gemaach oder eng sëllege Contraceptiouns-Mëttel verschriwwen.
Och am psycho-soziale Beräich goufen iwwer 1.100 Leit betreit, dorënner och ëm 60 Persounen, déi ënner sexueller Gewalt gelidden hunn. E Groussdeel dovu wier nach net volljäreg gewiescht.
De Planning familial setzt sech och weider derfir an, dass d’Recht op eng Ofdreiwung soll an d’Verfassung ageschriwwe ginn.
