Resumé am VideoDjokovic behaapt sech no zwee Sätz géint den Nadal

RTL Lëtzebuerg

De Serb hat en éischte klore Saz mat 6:1 fir sech entscheet. Am zweete Saz konnt de Spuenier da méi dergéinthalen, dat um Enn awer ouni Succès.

Update: 30.07.2024 15:35

Resumé vum Match Djokovis géint Nadal

Et war ee vun den Highlights um 3. Dag vun den olympesche Spiller.

Um Méindeg ass et um Terrain Philippe-Chatrier zu Paräis zu engem richtegen Highlight komm. Schonn am zweeten Tour vum Eenzel am Tennis stounge sech den Novak Djokovic an de Rafael Nadal géigeniwwer, dat am 60. Duell tëscht béide Spiller.

Déi erhoffte Spannung ass allerdéngs fir den Ufank mol net opkomm. Zwee Mol war dem Serb direkt ee Break gelongen an och soss war de gréissten Deel vun de Jeue séier entscheet. Mat engem däitleche 6:1 ass den éischte Saz sou op en Enn gaangen. Och am zweete Saz huet den Novak Djokovic weider d’Muskele spille gelooss a louch da séier mat 4:0 vir. De Rafael Nadal wollt sech dat awer net gefale loossen. Zwee Breaken hannerteneen hunn de Score nees egaliséiert. Um Enn sollt dësen Effort awer net belount ginn, dat well den Novak Djokovic de Match mat 6:4 decidéiere konnt.

Djokovic am Interview

De Serb huet dem Rafael Nadal e Méindeg net vill Chance gelooss

Iga Swiatek souverän an der nächster Ronn

Eng RTL-Ekipp hat d’Nummer 1 vun der Welt am Dammentennis an der Mixed Zone um Mikro.

No hirer Victoire am zweeten Tour huet si eis erzielt, wéi d’Wiederkonditioune fir si waren a wat d’Ambitioune vun der véierfacher Roland-Garros-Gewënnerin sinn.

Swiatek am Interview

D’Konditioune fir ze spille, wieren ideal gewiescht.