An dat wier eng gewëssen Erliichterung, no der Enttäuschung bei den olympesche Spiller, esou d’Jeanne Lehair op Instagram. Zu Paräis konnt d’Lëtzebuergerin wéinst technesche Problemer d’Course net fäerdeg fueren an huet missen ënner Tréinen opginn.
D’Super-League ass e Format, wou d’Athletinnen an d’Athleten insgesamt dräimol 300 Meter schwammen, 4 Kilometer Vëlo fueren an 1,6 Kilometer lafen. Nodeems d’Jeanne Lehair zu Boston d’Course gewonnen huet, sinn déi nächst Statiounen dëse Weekend zu Chicago, da London an Toulouse, ier déi lescht Competitioun den 3. November zu Neom an de Vereenegte Arabeschen Emirater ass.
