D’Rout Léiwe kréien et dann an der Divisioun C mat Bulgarien, Nordirland a Belarus ze dinn.
D’Auslousung war zu Paräis. Mat an der franséischer Haaptstad war och den FLF-Nationaltrainer Luc Holtz live mat dobäi. Bei esou engem Tirage ass een natierlech ëmmer gespaant, wat dobäi erauskënnt.
De Luc Holtz huet et gesot, mat Bulgarien, Nordirland a Belarus hunn d’Rout Léiwe Géigner an der Divisioun C Grupp 3, wou d’Chancë virun all Match bei 50-50 stinn. An deenen Divisiounen an der Nations League ass den Niveauënnerscheed tëscht de verschiddene Länner souwisou relativ kleng.
Deen éischte Spilldag vun der neier Nations League-Kampagne ass vun donneschdes de 5. bis Samschdes de 7. September. De 6. a leschte Spilldag ass da vum 17. bis den 19. November. Iert et esouwäit ass, stinn awer elo emol nach am Mäerz déi wichteg Rendez-vouse fir d’Rout Léiwen an de Play-Offs vun der Nations League um Programm, fir sech eventuell fir d’Europameeschterschaft am Summer an Däitschland ze qualifizéieren.
