Am Tennis ass bei den US Open zu New York fir zwee Favoritten an der drëtter Ronn scho Schluss. Bei den Hären huet déi griichesch Nummer 3 an der Weltranglëscht Stefanos Tsitsipas an engem serréierte Match (3:6, 6:4, 6:7 (2:7), 6:0 a 6:7 (5:7)) géint de Spuenier Carlos Alcaraz de Kierzere gezunn.
Bei den Dammen huet sech d’Naomi Osaka géint déi 18 Joer jonk Leylah Fernandez aus Kanada misse geschloe ginn. D’Titelverdeedegerin huet an 3 Sätz mat 7:5, 6:7 (2:7) a 4:6 verluer. D’Osaka huet kuerz drop annoncéiert, sech op onbestëmmten Zäit aus dem Sport zeréckzezéien.
