Den Dave Bautista steet kuerz virdrun, als "Kratos" an der neier "God of War"-Serie vun Amazon MGM Studios a Sony Pictures Television opzetrieden. Et ass eng Verfilmung vun der Playstation-Serie vun Actionspiller mam nämmlechten Numm.
D'Dréiaarbechte ware wéinst der Blessur vum Acteur Ryan Hurst ënnerbrach ginn, deen eigentlech fir d'Roll virgesi war an och schonn e puer Episode fäerdeg gedréit hat.
Den Tournage soll Mëtt Oktober zu Vancouver awer nees ufänken. De Bautista gëllt als ideal Besetzung, well hien duerch seng Zäit als Profi-Wrestler a seng Roll am neie "Highlander"-Film schonn un déi kierperlech usprochsvoll Roll gewinnt ass.
D'Serie erzielt d'Rees vum Kratos a sengem Jong Atreus, déi sech op de Wee maachen, fir d'Äsche vun der Fra a Mamm Faye ze verstreeën. D'Produktioun ass direkt fir zwou Staffele geplangt.
