Den Italieener war Realisateur bei RTL an ass bekannt ginn duerch d’Emissioun “Buona Domenica”. Vu 1982 ass d’Sendung an italieenescher Sprooch op RTL gelaf, dat an Zesummenaarbecht mam Auslandsprogramm vun der RAI.
De Jos Pauly an den Gino Santini hu mat “Buona Domenica” Sonndegmëttes d’italieenesch Famillen zu Lëtzebuerg an an der Groussregioun bei der Tëlee zesummebruecht. Grouss Vedetten aus Italien ware reegelméisseg op Besuch an der Villa Louvigny an de Studioe vun RTL. D’Sendung ass bis 1993 gelaf.
