An der Ausstellung, déi nach bis August leeft, ginn 3 verschidden Theemen ugeschwat. Dat eent ass d’Meteoritten als Zäitzeie vun der Entsteeung vum Sonnesystem an ee gewuer gëtt, wéi eise Sonnesystem entstanen ass.
An engem weidere Volet geet et ëm d’Gefore vun de Meteoritten, esou de Physiker Eric Buttini, deen d’Astellung op d’Bee gestallt huet.
“Dat heescht, et geet emol drëm, fir d’éischt déi geféierlech Asteroiden, geféierlech Meteoritten ze entdecken, déi eng Gefor si fir d’Äerd. An dann eebe wat géife mer dogéint ënnerhuelen, fir dass de Meteorit eeben net op d’Äerd fält.”
Am drëtten Deel geet et iwwert d’Space Resources, hei wéilt ee probéieren, de Leit ze erklären, wat et bedeit Ressourcen aus dem Weltraum ze notzen, firwat wär et zum Beispill eng gutt Iddi et ze maachen.
E klengen Abléck an d’Ausstellung kritt een am Video.
