Si war eng héichrangeg Cheffin am Ausseministère a mat just 30 Joer déi éischt Afroamerikanerin op esou engem Posten. Elo kënnegt si an der Trump-Regierung, well si dem President seng Attitüd vis-à-vis vum Rassismus net méi erdréit.
No de Protester an der Affär George Floyd ass et déi éischt Kënnegung a Regierungskreesser, déi aus Protest ënnerschriwwe gëtt. Dem Donald Trump hat an der Debatt iwwer Diskriminéierung a Rassismus de Protester mat der Arméi gedréit. Him gëtt virgehäit dëse Sträit, nach verschäerft ze hunn.
Donieft organiséiert de President zu Tulsa am Staat Oklahoma säin éischt Walkampf-Evenement. An dëser Stad gouf et de gréisste Massaker vu Schwaarzen an der rezenter Geschicht vun den USA. 1921 goufen do bis zu 300 Afroamerikaner vun engem Mob vu wäissen Amerikaner ëmbruecht.
