Zu Hongkong hunn e Freideg eng Rei Pompjeeën hirem fréieren Aarbechtskolleeg eng lescht Éier erwisen, dee bei der Brandkatastroph an engem Wunnkomplex mat op d’mannst 160 Doudesaffer ëm d’Liewe komm war. De Sarg vum 37 Joer alen Ho Wai Ho, deen am Fändel vun Hongkong agewéckelt war, gouf mat enger Zeremonie op de Kierfecht bruecht, wou e puer vun de Kolleegen hir Tréinen net zréckhale konnten.
D’Feier am Wunnkomplex Wang Fuk Court am nërdlechen Deel vun der Stad war Enn November ausgebrach a méi wéi 40 Stonnen amgaangen. Siwe Gebaier mat am Ganze ronn 2.000 Wunneenheeten sinn dobäi ofgebrannt.
