Leit, déi friddlech, demonstréieren oder Automobilisten dierfen elo net méi festgeholl ginn a géint si dierft och kee Pefferspray benotzt ginn. Dat huet d’US-Bezierksriichterin Katherine Menendez decidéiert. Den 83 Säite laangen Uerder gëtt der Operatioun an der nërdlecher US-Stad Minnesota 72 Stonnen, fir konform ze ginn. Den US-Inneministère huet dogéint betount, datt een d’Gewalt ëmmer just op engem Minimum gehalen hätt.
D’Protester am US-Bundesstaat Minnesota géint ICE si jo an de leschte Woche méi heefeg ginn, dat nodeems déi 37 Joer al Renée Good vun engem ICE-Agent mat direkt e puer Schëss an hirem Auto erschoss ginn ass. Den Agent hätt aus Noutwier gehandelt, huet et vun ICE an och vum President Trump geheescht. Déi Ausso gëtt allerdéngs duerch Videoe vum Asaz staark ugezweiwelt, an och déi lokal Autoritéiten an de Buergermeeschter vu Minneapolis, wou et zum Virfall koum, hu sech géint déi Interpretatioun ausgesprach.
