Den israeelesche Militär huet eegenen Aussoen no an der Gazasträif en héichrangegen Hamas-Member ëmbruecht. Wéi et vun den Autoritéiten heescht, wier bei der Dronenattack de Raad Saad am Viséier gewiescht, en Terrorist, deen zënter Méint géing versichen, d’Capacitéite vun der Hamas nees opzebauen an d’Produktioun vu Waffen ze relancéieren.
Medieberichter no kéint et sech ëm e Kommandeur handelen, dee beim Plang fir d’Attacke vum 7. Oktober 2023 d’Haaptroll soll gespillt hunn. D’Attack wier ordonéiert ginn, nodeems zwee israeelesch Zaldoten duerch e Sprengsaz liicht blesséiert goufen, sou d’Autoritéite weider.
