Duerch d’Iwwerschwemmungen an Äerdrutsche sinn entretemps iwwer 900 Leit gestuerwen. Méi wéi 400 Persoune gi weiderhi vermësst. Déi lokal Autoritéite fäerten elo, datt d’Zuel vun den Doudege weider klamme kéint, well et u medezinescher Versuergung a Liewensmëttel feelt. Déi indoneesesch Zentralregierung huet nach keen Noutstand ausgeruff, wat vun de Leit op der Plaz schaarf kritiséiert gëtt. Ee Grond kéint sinn, datt d’Regierung net wëllt zouginn, datt se mat der Situatioun iwwerfuerdert ass an Hëllef aus dem Ausland brauch.
