Bis ewell géif et bei de Prisongsprotester keng Doudeger oder Blesséierter ginn, esou den Inneminister Marco Antonio Villeda e Samschdeg. Hien huet ausgeschloss, fir d’Fräiloossung vun de Geisele mat de Prisonéier ze verhandelen.
Am Guatemala si virun allem déi verfeint Bande Barrio 18 a Mara Salvatrucha (MS-13) aktiv, déi allebéid vun de lokalen a vun den US-Agencen als terroristesch Vereenegungen agestuuft goufen. Am leschte Joer goufe Banden-Leaderen an den Héichsécherheetsprisong Renovación I bruecht, ronn 75 Kilometer südlech vun der Haaptstad Guatemala-Stad. D’Isolatioun vun de Banden-Cheffen huet ëmmer nees Prisongsopstänn ausgeléist.
De Chef vun der guatemalteekescher Prisongsadministratioun, de Jorge Guillermo López, huet elo erkläert, am Prisong Renovación I wieren néng Giischtercher als Geisel geholl ginn. Am Prisong Preventivo net wäit vun der Haaptstad wieren et der nach emol aacht, an ee Psycholog.
A Prisongsopstänn am leschte Joer war ee Wäerter duerch Schëss ëm d’Liewe komm. Am Oktober huet ausserdeem de Prisongsausbroch vun 20 Leadere vun der Band Barrio 18 fir Schlagzeile gesuergt. Bis ewell konnte just sechs vun hinnen nees gefaasst ginn. Ee weidere Banden-Chef gouf op der Flucht erschoss.
