Ronn 2,88 Milliounen Euro huet de Staat am leschte Joer fir Fliigerticketen ausginn, dat fir d’Reese vun de Ministeren an hire Beamten. Et dierft wuel net iwwerraschen, datt den Ausseministère mat ronn 1,28 Milliounen Euro deen deierste Ministère an dem Punkt ass.
Am leschte Joer goufen fir den Ausseministère ronn 560 Fluchticketen gebucht, dovunner 280 an der Economy Class a 275 an der Business Class. Op déi zweet Plaz kënnt de Finanzministère mat ronn 350.000 Euro an de Wirtschaftsministère mat 300.000 Euro.
Déi Zuele liwwert de Premierminister Luc Frieden an enger Äntwert op eng parlamentaresch Fro vum Deputéierten vun de Piraten, dem Marc Goergen.
