Um 5:50 Auer ass et op der A13 a Richtung Schengen zu engem Accident komm am Tunnel Éilereng. D'Ambulanz vu Péiteng an d'Pompjeeë vum SaDiff waren dohin.
Eng Stonn méi spéit war tëscht Schweech an Habscht en Automobilist an e Bam gerannt. D'Ambulanz vu Stengefort an d'Pompjeeë vu Biekerech waren am Asaz.
Kuerz no 8:30 Auer ass et tëscht Dummeldeng an dem Waldhaff zu enger Kollisioun tëscht zwee Gefierer komm, bei där dräi Persoune blesséiert gi sinn. De Stater Samu war op der Plaz, genee wéi d'Ambulanzen aus der Stad a vu Jonglënster an d'Pompjeeën aus der Stad.
