Fir de Januar 2026 hunn am ganze 60 Betriber eng Demande op Kuerzaarbecht eragereecht, wouvunner der 49 guttgeheescht goufen. Maximal concernéiert, fir kuerz ze schaffen, wieren 4.580 Salariéen.
Wéi vill et der all Mount genee waren, doriwwer gëtt ëmmer eréischt 3 Méint dono e Bilan gezunn. Sou hunn am Laf vum September just 24 Betriber effektiv op de Chômage partiel zeréckgegraff vun 41, déi et hätte maache kënnen.
