De Poopst mëscht sech spontan ënnert d'Leit a war bis an ee Café.

De Besuch vum Poopst an engem Café an der Ënneschtgaass
Kuerz nom Espresso-Stopp vum Poopst, huet de Raoul Roos sech am Café ëmgehéiert a mat Mataarbechter a Cliente geschwat.

An der Rue Notre-Dame an der Ënneschtgaass schéngt de Poopst wärend senger Visitt am Grand-Duché Loscht op eng Taass Café, méi genee en Espresso kritt ze hunn an ass kuerzerhand hei an e Café eragaangen. Heivir huet hien dann och seng ugekënnegt Mëttespaus ënnerbrach an huet sech eraus ënner d'Leit gemëscht.

Begleet vu sengem Sécherheetspersonal, huet hie sech säin Espresso, wéi op de Fotoen ze gesinn ass, gemittlech schmaache gelooss, dat mat engem Glas Waasser dobäi. Dëst ass natierlech en aneren, ongewinnten Ubléck, wann ee bedenkt, wéi ee Sécherheetsdispositiv fir déi offiziell Visitten am Asaz war. Den André Ribeiro, Mataarbechter am Café um RTL-Mikro, war sichtlech iwwerrascht iwwert de geeschtleche Besuch.

De Raoul Roos war op der Plaz vum Kaffee an der Ënneschtgaass
Hei erkennt een och gutt, wéi de Poopst d'Plaz no sengem Espresso nees verléisst.

Souguer d'Clienten, déi virdrun am Café waren, konnte, wéi et schéngt, sëtze bleiwen an de Spektakel vum Dësch aus observéieren.

© RTL Mobile Reporter/Privat
© RTL Mobile Reporter/Privat
© RTL Mobile Reporter/Privat
© RTL Mobile Reporter/Privat
Les photos diffusées sur ce site sont soumises à des droits d’auteurs et ne peuvent être copiées, modifiées, vendues, sans l’autorisation préalable du propriétaire du site en question.

Dës Aktioun dierft sech definitiv fir de Café gelount hunn, well déi souzesoe "gëttlech" Reklamm fir de Café gouf et  gratis dobäi.