Am Kader vun haislecher Gewalt war dem Familljepapp vum Parquet scho verbuede ginn, bei seng Wunnadress zu Esch-Uelzecht ze goen. En Donneschdeg den Owend huet de Mann allerdéngs géint d’Expulsioun verstouss a war staark alkoholiséiert bei d’Haus gaangen, wou hie senger Fra Mordmenacë gemaach huet.
D’Beamte konnten de Mann nach op der Plaz untreffen a mat op de Büro huelen. Op Uerder vum Parquet gouf de Mann festgeholl a koum e Freideg de Moie virun den Untersuchungsriichter.
En Donneschdeg gouf der Police géint 6.10 Auer en Abroch an en Haus an der Rue Jean-François Boch am Rollengergronn gemellt. Op der Plaz hunn d’Polizisten zwou Persounen ugetraff, bei deene geklaut Géigestänn séchergestallt konnte ginn. Och si goufen op Uerder vum Parquet festgeholl a koumen e Freideg am Nomëtteg virun den Untersuchungsriichter.
