Perquisitioun en Donneschdeg bei engem Zänndokter am Süde vum Land. Wéi de Parquet um Freideg de Mëtteg via Communiqué matdeelt, gouf eng Enquête géint en Zänndokter, deen am Süde praktizéiert, wéinst presuméierte Fäll vu Fälschung an Notzung vu gefälschten Dokumenter a Bedruch. Den Zänndokter steet am Verdacht, fiktiv Leeschtungen ausgestallt a verrechent ze hunn. Eng ganz Partie Dokumenter an Date goufe bei der Perquisitioun saiséiert.
De Parquet erënnert drun, datt bis op weideres d’Presemption d’innocence gëllt.
