Accident mat zwee Blesséierten e Méindeg de Moien um 3.50 Auer am Rond-point Iergäertchen an der Stad. En Auto war hei an der Sortie Richtung Findel an eng Mauer gerannt, mellt de CGDIS. Zwou Persoune goufen am Tëschefall blesséiert. Engem RTL-Reporter no war d’Police mat zwou Patrullen do fir d’Plaz ofzesécheren. Kuerz viru fënnef Auer war den Ofschleefdéngscht do.
Och e Sonndeg den Owend gouf et eng Rei Asätz. E Samu aus der Stad an eng Ambulanz vu Keel goufen um 17 Auer zu Hunchereng Op Mehlbich geruff. Do hat et an enger Stuff gebrannt. Eng Persoun koum zu Schued.
Beim Materialschued blouf et bei engem Brand an enger Wäschkichen e Sonndeg den Owend géint 18.15 Auer um Boulevard des Lumières zu Esch.
