Dry January31 Deeg ouni Alkohol? D'App Try Dry soll hëllefen

Philippe Dondelinger

Dëse Januar huet d'Regierung jo eng Campagne lancéiert, fir datt d'Bierger op Alkohol solle verzichten an den "Dry January" ze maachen.

Update: 13.01.2026 17:00

31 Deeg ouni Alkohol? D'App Try Dry soll hëllefen

Wärend dem Januar soll ee jo am Kader vum “Dry January” probéieren, op Alkohol ze verzichten.

No de ville Feierdeeg vum leschte Joer gëtt et eng nei Erausfuerderung am Januar: Den Dry January. Ee Mount keen Alkohol – net emol e Glas. Hei zu Lëtzebuerg soll eng App aus England d’Leit motivéieren, fir iwwert hir Gesondheet ze reflektéieren. Mir wollte wëssen, Wat dir dovunner haalt. Brauch een dat iwwerhaapt a wéi gesäit d’Bezéiung vun de Lëtzebuerger zum Alkohol iwwerhaapt aus?

43 Prozent vun den Erwuessenen drénken op d’mannst 1 Mol d’Woch Alkohol
2019 ware 7 Prozent vun allen Doudesfäll – ronn 280 wéinst Alkohol
An tëscht 2018 a 2023 gouf et 3.639 Hospitalisatioune wéinst exzessivem Alkohol.

“Try Dry” ass net nëmmen eng App oder en Trend – et ass eng Erausfuerderung, déi eis iwwert eis Konsum Gewunnechte nodenke léisst. D’App gouf hei am Land 1.500 Mol erofgeluede an 1.100 Leit sinn den Ament drop aktiv. Et war jo de Gesondheetsministère, deen dës Campagne, déi et am Ausland scho méi laang gëtt, dëst Joer hei am Land an d’Liewe geruff huet.