De Georges Carbon sammelt Busser aus dem leschte Joerhonnert. Seng Passioun kënnt net vun näischt. Säin Ur-Grousspapp a säi Grousspapp haten zu hirer Zäit eng Transportfirma.
Déi selwecht Busser gehéieren haut zum Georges senger Kollektioun. Ënnert anerem een 3500er Mercedes Bus vun 1951. E Gefier, dat zu senger Zäit eng technesch Revolutioun war. Allgemeng huet hien a senger Bussammlung e puer Modeller aus de 50er a 60er Joren. Alleguer tipptopp restauréiert.
De Bus vun der Schwäizer Mark Saurer zum Beispill, dee charméiert mat sengem Panorama-Dach a sengem faarwegen Interieur. Wat de Georges u Bussen awer wierklech faszinéiert, ass virun allem déi sozial Roll, déi se nom Zweete Weltkrich gespillt hunn.
