Um Sonndeg kann ee vu moies bis owes mat alen Damplokomotiven tëscht Péiteng an dem Fond-de-Gras hin an hier gefouert ginn.
All 5 Joer gëtt am Minettpark den Dampfestival organiséiert. Hei erlieft ee wärend zwee Deeg e Spektakel mat fréiere Lokomotiven. Aus dem In- an Ausland sinn des Maschinnen ugangs dëser Woch an de Fond-de-Gras komm a fueren tëscht Péiteng an dem Minettpark op an of.
Fir 20 Euro pro Erwuessenen an 12 Euro pro Kand ass ee mat derbäi. Am Präis mat abegraff ass nieft der Entrée och den Tour mam Zuch. Hei kann een sou dacks fuere wéi ee Loscht huet. 5 mat Damp gedriwwe Lokomotiven transportéieren d’Leit op an of.
Mei Informatioune fënnt een um Internetsite: www.minettpark.lu
