Nom Match ass den Abderrazak Hamdallah mat senger Waasserfläsch am Grapp bei d’Gradine gaangen. Et koum zu engem Wuertwiessel mat de Supporter an de marokkaneschen Ugräifer huet Waasser aus senger Fläsch op ee vun de Männer op der Tribün gesprutzt.
Dat wollt dëse sech allerdéngs net gefale loossen. Hien huet kuerzerhand eng Peitsch rausgeholl an huet op de Spiller ageschloen. E puer Persounen hu mussen dertëscht goen, fir dass d’Situatioun net weider eskaléiert. Firwat et genee zum Sträit koum, ass den Ament net gewosst.
