E Samschdeg ass zu Miami an den USA mat der “Icon of the Seas” dat gréisst Croisièresschëff vun der Welt op seng éischt Faart an d’Karibik gestart. Um Schëff ass Plaz fir méi wéi 5.600 Passagéier, dobäi kommen 2.350 Leit, déi u Bord schaffen. Et ass knapp 365 Meter laang an 48,8 Meter breet an huet ronn 20 Decks. Topspeed sinn 22 Kniet, also ronn 41 Kilometer an der Stonn. D’Schëff fiert ënnert dem Fändel vun de Bahamas.
Gedeeft gouf d’Schëff iwwregens vu kengem anere wéi dem argentinesche Futtballstar vun Inter Miami Lionel Messi.
